Música sempre: 2017

luns, 30 de outubro de 2017

martes, 23 de maio de 2017

A escaleira de Baralla

O día das Letras Galegas os nenos e nenas de 6º de Educación Infantil representaron o conto "a escaleira" de OQO editora
ESPERAMOS QUE VOS GUSTE!!

martes, 2 de maio de 2017

Día internacional contra o Acoso Escolar

http://libreriaolacacia.com/wp-content/uploads/2017/04/diacontracosoescolar.jpg
http://static4.depsicologia.com/wp-content/uploads/No_Bullying_circle.gif

2 de Maio. Búscanse Valentes. Langui

Os medios de comunicacación están a facer eco dunha situación case permanente nos centros escolares. O acoso escolar e bullying, está a acaparar non só portadas de periodícos senón nutríndose de noticias, ás veces moi desgarradoras e incompresibles, que nos fai aos maiores levarnos as mans á cabeza pola incapacidade tanto institucional, educativa como familiar para corrixir ou cortar estas situacións, que unha vez disparadas non sabemos como van acabar.

O eixo vertebrador do acoso escolar é a non aceptación da diferenza, a intolerancia nas súas múltiples manifestacións e transformacións; a non aceptación por gordo, pelirrojo, negro, boas notas, pallaso, homosexual, ou calquera característica ou condición que sirva para poder ridiculizar ou menosprezar é suficiente para empezar esta espiral.

A esta actitude de intolerancia súmanselle moitos factores que contribúen e animan as situacións: a necesidade de pertencer ao grupo máis forte, o medo e/ou a indiferenza. A todo isto hai que sumarlle tamén o uso das redes sociais como motor e ferramenta de difusión destas situacións e uns adultos (familiares ou docentes) que pode relativizar a situación por expor que son cousas de "raparigos".

Día Internacional do Jazz

O 30 de abril celébrase o día Internacional do Jazz

Por que un Día Internacional do Jazz?

O jazz rompe barreiras e crea oportunidades para a comprensión mutua e a tolerancia;
O jazz é unha forma de liberdade de expresión;
O jazz simboliza a unidade e a paz;
O jazz reduce as tensións entre os individuos, os grupos e as comunidades;
O jazz fomenta a igualdade de xénero;
O jazz reforza o papel que xoga a mocidade no cambio social;
O jazz promove a innovación artística, a improvisación e a integración de músicas tradicionais nas formas musicais modernas e
O jazz estimula o diálogo intercultural e facilita a integración de mozas marginadoss.

A celebración desta xornada ten como obxectivo sensibilizar ao público en xeral sobre as virtudes do música jazz como ferramenta educativa e como motor para a paz, a unidade, o diálogo e o reforzo da cooperación entre pobos. Os gobernos, as institucións educativas e a sociedade civil que participan na promoción do jazz aproveitan esta oportunidade para difundir a idea de que o jazz non é só un estilo de música, senón que tamén contribúe á construción de sociedades máis inclusivas.

Na nosa aula celebramos o día!

http://paolaoliva.wix.com/son-de-jazz

martes, 25 de abril de 2017

Contos musicados

O LOBO FEROZ

COCORICO

MARILUZ AVESTRUZ

CHOCOLATA

O BOSQUE ENCANTADO

GLU- GLU-GLU

Que atopamos polo mar???

O tiburón Manolo,
da escola é profesor
ensínalles ximnasia
aos peixes do arredor .

GLU GLU PLAS PLAS PLAS

NAVEGANDO POLO MAR

A balea esta xorda

e teslle que berrar

bos días!moi bos días!

se a ves pola mañá.

Os xurelos xuntillos

dan voltas por aí

non sei que ten o polbo

que non para de rir.

O pirimpimpín

Cantamossss

Teño dentro do meu peito

Unha laranxa partida

Para darlla ao meu amor, o pirimpirimpimpín

Para darlla á miña vida

Pirimpimpín, pimpimpimpimín,

Manolo, vira p’ra acá,

María, vira p’ra aquí. (bis)

De Portugal me mandaron

Tres peras nun ramalliño

Quen me dera a min saber-e, o pirimpirimpimpín,

Quen me ten tanto cariño.

Pirimpimpín, pimpimpimpimín,

Manolo, vira p’ra acá,

María, vira p’ra aquí. (bis)

Do outro lado do río,

Do outro lado meu ben-e,

Do outro lado do río, o pirimpirimpimpín,

Teño quen eu quero ben-e.

Pirimpimpín, pimpimpimpimín,

Manolo, vira p’ra acá,

María, vira p’ra aquí. (bis)

Ao entrar en Sanguiñeda

Hai un lexo de letreiro

Que sempre está a dicir, o pirimpirimpimpín.

Portugal meu compañeiro.

Pirimpimpín, pimpimpimpimín,

Manolo, vira p’ra acá,

María, vira p’ra aquí. (bis)

Rebola o pai, rebola a nai, rebola a filla,

E eu como son da familia tamén quero rebolar (bis)

martes, 14 de marzo de 2017

Eu teño unha vaca marela

Letra da canción: A VACA MARELA

Eu teño unha vaca marela
que é o demo a condenada,
presume de vaca moderna
e non quere traballar.
(bis)

Ela canta, con acento
de mulata brasileira,
hai que vela, como move,
as cadeiras ao andar.
(bis)

Puxo a permanente no rabo
e deulle esmalte aos cornos,
ela dí que quere mercar
unhas medias de cristal.
(bis)

Nin dá leite nin dá nada
dá patadas á canada,
a herba xa non lle vai
quere palla integral.
(bis)

sábado, 4 de marzo de 2017

#RosalíaTe

A Asociación de Escritoras e Escritores en Lingua Galega promove desde 2010 a conmemoración o 24 de febreiro, aniversario do nacemento da autora, do Día de Rosalía de Castro.

Enlace Rosalía Viva (vida e obra)

Rosalía de Castro en 38 PREGUNTAS

Rosalía de Castro foi unha escritora nada en Santiago de Compostela no ano 1837 e falecida na Coruña en 1885. Dedicouse á creación de prosa e poesía, tanto en idioma castelán como en galego e recoñécella como unha das figuras máis importantes das letras da súa época. As súas achegas á cultura da súa terra resultan indispensables, especialmente no que a Galicia refírese, dado que a situación social daquel momento non facilitaba o camiño de quen fixese literatura usando a lingua galega, que era desprezada e considerada tan só un dialecto.

Sen dúbida, foi cos seus "Cantares Gallegos" que enalteceu o nome da súa patria e contribuíu ao seu renacemento cultural, concedéndolle un lugar importante ante unha nación que xa a daba por extinta.

Entre outras, deixou dúas obras máis que demostran a grandeza da súa arte: "Follas Novas" e "Nas beiras do Sar".

Con respecto á súa prosa, destacan os seus títulos "A filla do mar", "O cabaleiro das botas azuis" e "Padrón e as inundacións".

Manifesto da Asociación de Escritoras e Escritores en Lingua Galega (AELG) no Día de Rosalía de Castro 2017

En Galicia existen infinitas formas de amencer: abrente, alborada, clarexa, luzada, rompente. A lírica que abraza os versos de Rosalía posúe as cores reveladoras da primeira luz.

Imaxino a Rosalía no século XIX e vexo unha muller que se aferra ás palabras sen complexos e fai con elas o que o corazón lle pide ao oído en cada instante: fitas de encaixe, diamantes, armas de construción masiva ou versos predestinados a furar as conciencias e facer cambalear os piares do inmobilismo.

Esa é ela. Unha xigante que non precisa respiración asistida, nin prantos, nin ritos florais. Os pulmóns da súa obra aférranse ao futuro e ínflanse coa forza dun país que respira cultura por cada fenda.

En Galicia existen infinitas formas de querer e nós querémoste paxaro, lume, emoción. Querémoste eléctrica e lúa. Insubmisa e valente. A voz que hoxe portaría unha pancarta na cabeza dunha manifestación contra a violencia machista ao berro de: Basta xa, querémonos vivas! A que quedaría afónica de solicitar, día tras día, unha maior presenza do galego na escola, na rúa, na vida. Na Galicia nosa que se estremece por momentos.

Imaxino a Rosalía e véxoa afirmando: Son muller e son galega. Reivindícome como escritora na miña propia lingua e non consinto que ninguén apague a miña voz. Estou tan viva que os meus versos rabuñan as paredes do panteón de galegas ilustres ata facelas sangrar. Négome a ser unha estranxeira exiliada na miña patria. Quero abarcar toda a luz e contaxiarte.

En Galicia existen infinitas formas de chover,

Como chove miudiño,

como miudiño chove,

pola banda de Laíño,

pola banda de Lestrove

-----------------------------------------------------------------------------------------------------------------------------

Amancio Prada canta "Adios ríos, adios fontes"